Күңелле старттар

Ғәлиәхмәт ауылы мәҙәниәт йорто етәксеһе Р.Ә.Байғусҡарова балалар өсөн тәбиғәт ҡосағында күңелле старттар – халыҡ уйындары ойошторҙо. Ауыл балалары менән бергә ҡунаҡҡа ҡайтҡан кескәйҙәр ҙә командаларға бүленеп һәм айырым арҡан тартышыу, тоҡ кейеп ярышыу, йомортҡа тешләп йүгереү бәйгеһендә көс һанашты. Ҡаланан ҡайтҡан балалар өсөн тоҡ кейеп йүгереү бик мәҙәк тә, ят та күренеш булды. “Аҡ тирәк – күк тирәк”, “Алырымҡош”, “Йәшерәм яулыҡ” уйындарын бергәләп уйнау бик күңелле булды.