Митинг

Иләс ауыл мәҙәниәт йорто һәм бибилиотека ойошторған Иҫкә алыу митингыһы Левитандың Бөйөк Ватан һуғышы башланыу тураһындағы белдереү менән башланып китте. Нәжиә Асҡарова Бөйөк Ватан һуғышы барышы тураһында белешмә бирҙе.

Зилә Шәрипова ауылдан күпме кеше һуғышҡа алыныуы ,нисә кеше яу яланында ятып ҡалыуы тураһында һөйләне.Һәләк булғандарҙы бер минут тынлыҡ менән иҫкә алдыҡ. Артабан балалар һәйкәлгә венок һалды. Нәжиә Асҡарова китаптар күргәҙмәһе ойошторҙо. Сарала балалар һәм битараф булмаған ололар ҡатнашты.