Яңы йыл мажаралары

31 декабрь Йәнтеш Мәҙәниәт йортонда Яңы йыл тамашаһы булып үтте. Атингән ауыл хакимиәте башлығы Мәүлиҙә Фәйзулла ҡыҙы ауыл халҡын Яңы йыл менән ҡотлап изге теләктәрен еткерҙе һәм “Мөғжизәләр илендә” исемле урамдар ярышында еңеүселәрҙе бүләкләп үтте, рәхмәт хатын тапшырҙы.

2017 йылда тыуған сабыйҙарға, өйләнешкән йәш парҙарға Ҡыш бабайҙың иҫтәлекле бүләктәре тапшырылды. “Яңы йыл мажаралары” исемле театрлаштырылған тамаша барлыҡ тамашасылырҙың да күңеленә хуш килде.Ҡыҙыҡлы уйындар, дәртле бейеүҙәр, матур йырҙар менән Яңы йыл тамашаһы бик күңелле үтте.