Муниципальное бюджетное учреждение культуры
районный дом культуры
муниципального района Хайбуллинский район Республики Башкортостан
logo
Муниципальное бюджетное учреждение культуры
районный дом культуры
муниципального района Хайбуллинский район Республики Башкортостан
header img

“Театр рампаһы” тамамланды

“Театр рампаһы” тамамланды

Театр көнө 1961 йылдан билдәләнә. Был көн «Театр – үҙ-ара килешеү һәм халыҡтар араһындағы дуҫлыҡты нығытыу сараһы» тигән девиз аҫтында үтте. Ысынлап та, сәнғәтте театрһыҙ күҙ алдына ла килтереп булмай. Илатҡан да, йыуатҡан да, моңайтҡан да, көлдөргән дә – мөғжизәле театр. Күңелдәрҙе сафландырыусы, йәшәүгә көс-дәрт, илһам биреүсе донъя ул!

27 март көнө Аҡъяр мәҙәниәт йортонда еңеүҙең 70 йыллығына арналған “Театр рампаһы” асыҡ район фестиваль-бәйгеһенең ябыу тантанаһы үтте. Был көндө ауыл мәҙәниәт йорттарының һәм ауыл клубтарының театр коллективтары үҙҙәренең спектаклдәренән өҙөктәр күрһәтте. Спектаклдән күренештәр концерт номерҙары менән аралаштырылып ҡуйылды.

Жюри ағазаларына иң-иңдәрҙе һайлап алыу еңелдән булманы. Шулай ҙа бер тауыштан киләһе урындар билдәләнде. Аҡъяр мәҙәниәт йортоноң “Таналыҡ” театр коллективы Гран-приға лайыҡ булды, бүләккә 12000 һумлыҡ сертификат алды.
Ауыл мәҙәниәт йорттары араһында:
I – урын “Шоңҡар” театры (Әбүбәкер ауылы)
II – урын “Нур” театры (Маҡан ауылы)
II – урын “Һаҡмар” театры (Ғәлиәхмәт ауылы)
III – урын “Урғаҙа” театры (Сиҙәм ауылы)
III – урын “Һаҡмар” театры (Йәнтеш ауылы)

Ауыл клубтары араһында:
I – урын “Йәшлек” театры (Һаҡмар-Наҙарғол ауылы)
II – урын “Һуңғы миҙал” театры (Юлбарыҫ ауылы)
III – урын “Ҡайтауаз” театры (Оло Арыҫланғол ауылы)

Шулай уҡ Быҙаулыҡ ауыл мәҙәниәт йортоноң “Таналыҡ йәйғоро” театр коллективы (етәксеһе С.Аблаева) “Халыҡ традицияларын һаҡлау” номинацияһын, Федоровка мәҙәниәт йортоноң “Катюша” театры – “Яҡшы сәхнә төҙөлөшө” номинацияһын, Иҫәнгилде ауыл клубының “Бөрйән” театры – “Иң оригиналь пьеса” номинацияһын, Байғусҡар мәҙәниәт йортоноң “Йәдкәр” театры – “Театрға тоғро ҡалыу” номинацияһын, Һамар ауылы театры коллективы – “Әүҙем ҡатнашҡаны өсөн” номинацияһы дипломдары һәм сертификаттар менән бүләкләнделәр.

Ролдәрҙе башҡарыусылар араһында ла киләһе номинациялар билдәләнде:
“Иң яҡшы ҡатын-ҡыҙ роле” – Эльвира Юнысова (Һаҡмар-Наҙарғол ауылы), Миңниса Солтанова (Сиҙәм ауылы)
“Иң яҡшы төп ролде башҡарыусы” – Әнүәр Хәкимов (Маҡан ауылы), Фәнүр Бигушов (Әбүбәкер ауылы), Зиннур Байбулатов (Аҡъяр ауылы)
“Иң оҫта актриса” – Лилиә Таймасова (Юлбарыҫ ауылы)
“Иң яҡшы бейеү хәрәкәттәрен һалыусы” – Дилә Ишемғолова (Аҡъяр ауылы)
“Икенсе пландағы иң яҡшы актер” – Ирек Ғәлиев (Садовый ауылы)
“Тиҫкәре ролде оҫта башҡарыусы” – Рифат Кускилдин (Аҡъяр ауылы)
“Иң яҡшы ир-егет роле” – Илдар Юнысов (Ғәлиәхмәт ауылы), Байрас Исҡужин (Йәнтеш ауылы) һәм башҡа бик күп дипломдар һәм сертификаттар тапшырылды.

Ә беҙ иһә барығыҙҙы ла ауылдың мәҙәни тормошонда әүҙем ҡатнашыуығыҙҙы теләп ҡалабыҙ. Илһам шишмәләрегеҙ һайыҡмаһын, ижад ҡомарығыҙ һүнмәһен, башланғыстарығыҙ уңышлы булһын, тамашасы алҡыштары тынмаһын!